انگلینڈ ٹیسٹ ٹیم کے کپتان جو روٹ نے ٹیسٹ کرکٹ میں آسٹریلوی کرکٹر اسٹیو اسمتھ کا سب سے زیادہ کیچز کا عالمی ریکارڈ توڑ دیا۔
جو روٹ نے ہیڈنگلے میں پاکستان کے خلاف پہلے ٹیسٹ میچ میں تاریخ رقم کرتے ہوئے ٹیسٹ کرکٹ میں سب سے زیادہ کیچز کرنے والے فیلڈر(وکٹ کیپر کے علاوہ) کا اعزاز حاصل کر لیا۔
روٹ نے جمعے کو ہیڈنگلے میں پاکستان کے خلاف پہلے ٹیسٹ کی دوسری اننگز کے دوران جوفرا آرچر کی گیند پر اذان اویس کا تیز رفتار کیچ لیگ سلپ پر پکڑ کر عالمی ریکارڈ اپنے نام کر لیا۔
یہ جو روٹ کا ٹیسٹ کرکٹ میں بطور فیلڈر 219 واں کیچ تھا۔ اسمتھ نے اپنے ٹیسٹ کیریئر میں 218 کیچز کیے ہیں۔
اس فہرست میں بھارت کے راہول ڈریوڈ 210 کیچز کیساتھ تیسرے ، سری لنکا کے مہیلا جیاوردنے 205 کیساتھ چوتھے اور جنوبی افریقا کے جیک کیلس 200 کیچز کیساتھ دوسرے نمبر پر ہیں۔
واضح رہے کہ انگلینڈ نے پہلے ٹیسٹ میں پاکستان کو اننگز اور 103 رنز سے شکست دے کر 3 میچز کی سیریز میں 0-1 کی برتری حاصل کر لی ہے۔
Joe Root – on top of the pile! 👑 pic.twitter.com/KBHA7NJnyc
— Cricbuzz (@cricbuzz) August 21, 2026
