ملتان: ملتان انٹرنیشنل ایئرپورٹ پر ایک روز میں 30 سے زائد پروازوں کے مسافروں کی امیگریشن مکمل کرکے نیا ریکارڈ قائم کردیا گیا۔
ڈائریکٹر ایف آئی اے ملتان کے مطابق بدھ کے روز ایئرپورٹ سے بیرونِ ملک روانہ ہونے اور مختلف ممالک سے ملتان پہنچنے والے مجموعی طور پر 5 ہزار 70 مسافروں کی امیگریشن کا عمل مکمل کیا گیا۔
انہوں نے بتایا کہ 2 ہزار 983 مسافر ملتان ایئرپورٹ سے بیرونِ ملک روانہ ہوئے، جبکہ 2 ہزار 87 مسافر مختلف ممالک سے ملتان پہنچے۔
ڈائریکٹر ایف آئی اے ملتان کے مطابق مسافروں کی سہولت اور رہنمائی کے لیے ایئرپورٹ پر امیگریشن پبلک فیسیلیٹیشن سینٹر بھی قائم کیا گیا ہے۔ پبلک فیسیلیٹیشن سینٹر کے ذریعے ایک ہی روز میں 555 مسافروں کو امیگریشن سے متعلق مختلف خدمات اور رہنمائی فراہم کی گئی۔
ایف آئی اے حکام کا کہنا ہے کہ مسافروں کو بہتر سہولیات کی فراہمی، امیگریشن کے عمل میں تیزی اور رہنمائی کے لیے اقدامات جاری رکھے جائیں گے۔
Riyadh Air has officially begun flight operations in Pakistan.
A water salute was given to mark Riyadh Air’s arrival at Islamabad Airport. According to PAA, the airline will operate seven weekly flights between Riyadh and Islamabad. pic.twitter.com/KVo7eovMiA— Global Updates (@GlobalUpdates_0) August 15, 2026
دوسری جانب سعودی عرب کی نئی ایئرلائن ریاض ایئر نے پاکستان میں باضابطہ فضائی آپریشن شروع کردیا، ریاض ایئر کی پہلی پرواز کی اسلام آباد انٹرنیشنل ایئرپورٹ آمد پر روایتی واٹر سیلیوٹ پیش کیا گیا۔
