پاکستان اور امریکا نے دہشتگردی کیخلاف تعاون مزید مضبوط بنانے پر اتفاق کیا ہے۔
واشنگٹن میں پاکستان اور امریکا کے درمیان انسداد دہشتگردی مذاکرات کا چوتھا دور ہوا جس میں دونوں ممالک نے دہشتگردی کے خلاف تعاون مزید مضبوط بنانے پر اتفاق کیا۔
دفتر خارجہ کے مطابق پاکستان اور امریکا نے داعش خراسان، القاعدہ، ٹی ٹی پی اور بی ایل اے کے خلاف مشترکہ کوششوں کے عزم کا اعادہ کیا۔
دونوں ممالک نے سرحدی سکیورٹی مضبوط بنانے اور دہشتگرد سہولت کار نیٹ ورکس کے خاتمے پر اتفاق کیا اور خطے میں امن، خوشحالی کے لیے تعاون جاری رکھنے کے عزم کا اعادہ کیا۔
دفتر خارجہ کے مطابق مذاکرات میں سفیر نبیل منیرنے پاکستانی اور گریگوری لوگرفو نے امریکی وفد کی قیادت کی ، مذاکرات میں پاکستان امریکا کے درمیان سکیورٹی اور انٹیلی جنس امور پر بھی بات چیت کی گئی۔
