پشاور زلمی کے مالک جاوید آفریدی کی والدہ انتقال کر گئیں۔
جاوید آفریدی نے سوشل میڈیا پر اپنی والدہ کے انتقال کی خبر شیئر کرتے ہوئے قوم سے مرحومہ کے لیے دعائے مغفرت اور اہلِ خانہ کے لیے صبرِ جمیل کی دعاکی اپیل کی ہے۔
انہوں نے کہا کہ وہ میری زندگی کی سب سے بڑی نعمت، میرا پہلا گھر، بے شمار دعاؤں اور بے لوث محبت کا سرچشمہ تھیں۔
جاوید آفریدی کی والدہ کے انتقال کی خبر پر سماجی، سیاسی حلقوں اور کھیلوں سے وابستہ شخصیات کی جانب سے تعزیت کا اظہار کیا جا رہا ہے۔
