جھل مگسی میں ایم ایٹ پر مسافر کوچ الٹنے کے نتیجے میں 8 مسافر جاں بحق اور 22 زخمی ہوگئے۔
حکام کے مطابق کوچ خاران سے لاڑکانہ جا رہی تھی کہ ایم ایٹ شاہراہ پر تھانہ باریجہ کی حدود میں سائی وائی کے مقام پر بے قابو ہو کر الٹ گئی۔
ڈسٹرکٹ ہیلتھ افیسر کا کہنا ہے کہ حادثے میں 22 افراد زخمی ہوئے ہیں، زخمیوں کی حالت تشویشناک بتائی جاتی ہے۔ جاں بحق ہونے والوں میں ایک بچہ اور خاتون بھی شامل ہیں۔
وزیراعلیٰ سندھ مراد علی شاہ نے حادثے میں جانی نقصان پر گہرے دکھ و افسوس کا اظہار کیا ہے۔
