عالمی مالیاتی فنڈ کے ایگزیکٹیو بورڈ کا اجلاس 8 مئی کو طلب کر لیا گیا، جس میں پاکستان کے لیے 1 ارب 20 کروڑ ڈالر کی اگلی قسط کی منظوری کا امکان ہے۔
آئی ایم ایف کے اعلامیے میں کہا گیا ہے کہ ایگزیکٹو بورڈ اجلاس میں پاکستان کیلئے توسیعی فنڈ سہولت پروگرام کے تحت تیسرے اقتصادی جائزے کی منظوری متوقع ہے۔
اعلامیے کے مطابق اجلاس میں موسمیاتی تبدیلی کے آر ایس ایف پروگرام کے دوسرے جائزے کی بھی منظوری دی جائے گی۔
یاد رہے پاکستان اور آئی ایم ایف کے درمیان اسٹاف لیول معاہدہ 27 مارچ کو طے پایا تھا۔
