پاکستان ایئرپورٹس اتھارٹی نے بھارتی پروازوں کیلئے پاکستانی فضائی حدود کی بندش میں مزید ایک ماہ کی توسیع کر دی۔
اس حوالے سے نیا نوٹم جاری کر دیا گیا ہے۔نوٹم کے مطابق بھارتی رجسٹرڈ، لیز پر حاصل کیے گئے، کمرشل اور فوجی طیاروں کو پاکستان کی فضائی حدود استعمال کرنے کی اجازت نہیں ہوگی۔
پابندی اب 24 مئی صبح 5 بجے تک برقرار رہے گی۔ پاکستان ایئرپورٹس اتھارٹی کے مطابق بھارتی طیاروں کیلئے پاکستانی فضائی حدود 23 اپریل 2025 سے بند ہے جس میں تازہ توسیع کے بعد مزید ایک ماہ کا اضافہ کر دیا گیا ہے۔
