پاکستان شوبز انڈسٹری کی معروف جوڑی عائزہ خان اور دانش تیمور نے مقدس شہر مکہ مکرمہ میں اپنے روحانی سفر کی تصاویر سوشل میڈیا پر شیئر کر دی ہیں، جو مداحوں اور سوشل میڈیا صارفین کی توجہ کا مرکز بن گئی ہیں۔
دونوں فنکاروں نے اپنے مصروف فنی معمولات سے وقت نکال کر رمضان المبارک کے بابرکت ایام مکہ مکرمہ میں گزارنے کا انتخاب کیا، جسے مداحوں کی جانب سے ایک مثبت اور قابلِ تحسین قدم قرار دیا جا رہا ہے۔
شیئر کی گئی تصاویر میں جوڑی کو مسجد الحرام کے روحانی اور پُرسکون ماحول میں عبادت اور دعا میں مشغول دیکھا جا سکتا ہے۔
عائزہ خان نے تصاویر کے ساتھ ایک مختصر پیغام بھی تحریر کیا جس میں انہوں نے اتحاد، سکون اور دلوں کے باہمی ربط کے لیے دعا کی۔
