گوجرانوالہ میں تھانہ صدر کی حدود میں فرح گوگی اور ان کے شوہر احسن جمیل کے خلاف ایک اور مقدمہ درج کرلیا گیا، جس میں سرکاری زمین فروخت کرنے اور دھوکہ دہی کی دفعات شامل ہیں۔
یہ مقدمہ جی ڈی اے کے اسٹیٹ آفیسر مرزا بابر کی مدعیت میں درج کیا گیا، ایف آئی آر میں ن لیگ کے ایم پی اے قیصر اقبال سندھو کو بھی ملزم نامزد کیا گیا ہے۔
ایف آئی آر کے مطابق ملزمان نے پارکس، اسکول اور قبرستان کے لیے مختص اراضی کو فروخت کیا، جبکہ احسن جمیل گجر کے چچا، کزن اور سوسائٹی منیجر و عملہ بھی مقدمے میں شامل ہیں۔
یہ دوسرا مقدمہ اس سے ایک روز قبل درج مقدمے کے بعد آیا، جس میں احسن جمیل گجر کے والد اقبال گجرکوبھی ملزم بنایا گیا تھا، چوہدری اقبال گجرن لیگ کے سینئررہنما اورسابق صوبائی وزیر ہیں۔
اس سلسلے میں قانونی کارروائی جاری ہے اور ایف آئی آر کے اندراج سے فرح گوگی اور ان کے خاندان کے لیے مشکلات بڑھ گئی ہیں۔
