چیئرمین رویت ہلال کمیٹی عبدالخبیر آزاد کا کہنا ہے کہ دہشت گردی کے واقعات کی مذمت کرتےہیں،دہشت گرد وں کا کوئی مذہب نہیں ہوتا،قوم دشمن کے خلاف پاک فوج کےساتھ کھڑی ہے۔
پشاور میں میڈیا سے گفتگو کرتے ہوئے انہوں نے کہا کہ پاکستان رمضان میں معرض وجود میں آیاتھا،معرکہ حق میں پاکستان کوفتح نصیب ہوئی۔
ترلائی میں جو نمازیوں پر حملہ کیا گیا، کیا وہ کوئی انسان سوچ سکتا ہے؟یہ قرآن سے واضح ہے کہ جس نے ایک انسان کا قتل کیا پوری انسانیت کا قتل کیا۔
کل باجوڑ میں مدرسے پر حملہ ہوا یہ انسانیت دشمن لوگ ہیں،ہم پاکستان کے کسی بھی دشمن کو کامیاب نہیں ہونے دیں گے۔
چینی حکومت اورعوام کونئے سال کی مبارکباد پیش کرتاہوں ،پاکستان اورچین کی دوستی ہمالیہ سے بلندہے،پاکستان اور چین کی دوستی ہمیشہ قائم رہےگی۔
یاد رہے کہ رویت ہلال کمیٹی کااجلاس آج پشاورمیں ہورہاہے،جس میں رمضان کا چاند نظر آنے یا نہ آنے کا اعلان کیا جائیگا۔
