پاکستان تحریک انصاف (پی ٹی آئی) کے سینیٹر سیف اللہ ابڑو کو بڑا قانونی ریلیف مل گیا ہے، جب چیئرمین سینیٹ نے ان کے خلاف دائر نااہلی ریفرنس کو خارج کر دیا۔
ذرائع کے مطابق یہ فیصلہ تکنیکی وجوہات کی بنیاد پر کیا گیا، جس کے باعث ریفرنس کو قابلِ سماعت نہیں سمجھا گیا۔
ذرائع کا کہنا ہے کہ سینیٹرسیف اللہ ابڑو کے خلاف دائر نااہلی ریفرنس پر پارٹی سربراہ کے بجائے پارلیمانی لیڈر کے دستخط موجود تھے، جوآئین میں درج ڈیفیکشن کلاز کے تحت ایک بنیادی اورلازمی شرط کے خلاف ہے۔
ڈیفیکشن کلاز کے مطابق کسی بھی رکنِ پارلیمنٹ کے خلاف نااہلی کا ریفرنس صرف پارٹی سربراہ کے دستخط سے ہی دائرکیا جا سکتا ہے۔
ذرائع نے مزید بتایا کہ اسی تکنیکی بے ضابطگی کے باعث ریفرنس کوقانونی طورپرکمزورتصورکیا گیا اورچیئرمین سینیٹ نے اسے خارج کرنے کا فیصلہ کیا۔
