واشنگٹن، امریکی صدر ڈونلڈ ٹرمپ نے تھائی لینڈ اور کمبوڈیا کے درمیان جاری کشیدگی ختم کرنے میں کامیابی حاصل کی ہے۔
ٹرمپ کے مطابق دونوں ممالک نے آج سے جنگ بندی پر اتفاق کیا ہے اور اصل امن معاہدے کی طرف واپس جانے پر بھی متفق ہوئے ہیں۔
امریکی صدر نے دونوں ملکوں کے وزرائے اعظم سے رابطہ کیا اور خطے میں امن قائم رکھنے کے لئے سفارتی اقدامات کیے۔
انہوں نے بتایا کہ کمبوڈیا اور تھائی لینڈ دونوں امریکہ کے ساتھ تجارتی تعلقات جاری رکھنے کے خواہشمند ہیں، جس سے اقتصادی اور سیاسی استحکام میں بھی مدد ملے گی۔
امریکی صدر کی ثالثی اوررابطوں کے بعد دونوں ممالک نے ایک دوسرے کے ساتھ مذاکرات کے راستے کھلے رکھنے اور امن و سلامتی کو ترجیح دینے کا عہد کیا ہے۔
یہ جنگ بندی خطے میں کشیدگی کم کرنے اورعالمی سطح پرامن کے فروغ کے لیے اہم قدم قرار دی گئی ہے۔
