ملک میں چلغوزے کی قیمتوں میں بڑی کمی ریکارڈ کی گئی ہے۔
قیمتیں 50 سے 60 فیصد تک کم ہو گئی ہیں، ایک کلو چلغوزے کی قیمت جو 16 ہزار سے 18 ہزار روپے تک تھی اب کم ہو کر چھ ہزار سے نو ہزار روپے تک پہنچ گئی ہے۔
بلوچستان کے علاقوں ژوب اور شیرانی میں چلغوزہ 3 ہزار سے 5 ہزار روپے فی کلو تک بھی فروخت ہوتا رہا ہے۔ کسانوں اور تاجروں نے قیمت میں اس کمی کو افغان بارڈر کی بندش اور بارشوں کا نہ ہونا اس کی وجہ بتایا ہے۔
ماہرین کے مطابق کولڈ اسٹوریج میں نہ رکھنے کی وجہ سے چلغوزے کا وزن کم ہونے لگتا ہے، بلوچستان میں کولڈ اسٹوریج سہولیات کی کمی کی وجہ سے چلغوزہ سستے داموں فروخت کر رہے ہیں۔
