انسداد دہشت گردی عدالت اسلام آباد نے تحریک انصاف کے رہنما شبلی فراز کو 2 مقدمات میں اشتہاری قرار دے دیا۔
اے ٹی سی کے جج طاہر عباس سپرا نے پی ٹی آئی رہنماؤں کے خلاف 28 فروری جوڈیشل کمپلیکس حملہ کیس کی سماعت کی۔ پی ٹی آئی رہنماؤں اور کارکنان کی جانب سے سردار محمد مصروف خان اور زاہد بشیر ڈار ایڈووکیٹ عدالت میں پیش ہوئے۔
شبلی فراز کو مسلسل عدم حاضری کی بنیاد پر اشتہاری قرار دیا گیا جبکہ سابق وزیر قانون راجہ بشارت اور دیگر عدالت میں پیش ہوئے۔
عدالت نے پیش ہونے والے ملزمان کی حاضری کے بعد سماعت ملتوی کر دی، تحریک انصاف کے رہنماؤں کے خلاف تھانہ رمنا میں 2 مقدمات درج ہیں۔
