لاہور: مسلم لیگ ن کے سابق رکن قومی اسمبلی نوابزادہ مظہر علی خان انتقال کر گئے۔
سابق رکن قومی اسمبلی مظہر علی خان گزشتہ کئی روز سے علیل تھے۔ اور لاہور کے نجی اسپتال میں زیرعلاج تھے۔
مرحوم کی نماز جنازہ پیر کو 3 بجے ان کے آبائی گاؤں اجنالہ میں ادا کی جائے گی۔ گجرات سے تعلق رکھنے والے نوابزادہ مظہر علی خان ایک نمایاں سیاسی شخصیت کے حامل تھے۔
نوابزادہ مظہر علی خان 2013 میں مسلم لیگ ن کی ٹکٹ پر انتخاب جیت کر رکن قومی اسمبلی منتخب ہوئے تھے۔
مرحوم نوابزادہ ایک بار ایم پی اے اور ایک بار ایم این اے رہ چکے ہیں۔
