ڈسٹرکٹ اینڈ سیشن کورٹس اسلام آباد نے سابق وزیراعلیٰ اور پی ٹی آئی کے رہنما علی امین گنڈاپور کو گرفتار کر کے پیش کرنے کا حکم دے دیا۔
جوڈیشل مجسٹریٹ مبشر حسن چشتی نے علی امین گنڈاپور کیخلاف شراب و اسلحہ برآمدگی کیس کی سماعت کی، سابق وزیراعلیٰ خیبر پختونخوا اور ان کے وکیل راجہ ظہور الحسن بھی عدالت پیش نہیں ہوئے۔
عدالت نے مسلسل غیر حاضری پر وارنٹ گرفتاری جاری کرکےعدالت نے علی امین گنڈا پور کو گرفتار کر کے پیش کرنے کا حکم دیا اور کیس کیسماعت 11 نومبر تک ملتوی کر دی۔
یاد رہے کہ علی امین گنڈاپور کے خلاف تھانہ بھارہ کہو میں شراب اور اسلحہ برآمدگی کیس درج ہے۔
