فرسٹ ویمن بینک کو فروخت کرنے کی منظوری دے دی گئی۔
یہ منظوری وفاقی کابینہ نے دی، فرسٹ ویمن بینک first women bank متحدہ عرب امارات حکومت کی نامزد کمپنی کوتقریباً ایک کروڑ 46 لاکھ ڈالر میں فروخت کیا گیا ہے۔
حکام نجکاری کمیشن کے مطابق بینک کے 82.64 فیصد سرکاری شیئرز عرب اماراتی کمپنی کو فروخت کئے گئے ہیں،یو اے ای کی کمپنی آئندہ پانچ سال میں 10 ارب روپے کی سرمایہ کاری کرے گی۔
بینک کی موجودہ ایکویٹی 3.2 ارب روپے، مزید6.8ارب روپے شامل کیے جائیں گے، حکام کا کہنا ہے کہ بینک کی فروخت انٹر گورنمنٹ کمرشل ٹرانزیکشنز ایکٹ کے تحت مکمل ہوئی۔
شیخ طحنون بن زاید النہیان کی قیادت میں انٹرنیشنل ہولڈنگ کمپنی خریدار ہے، حکام کے مطابق فرسٹ ویمن بینک کی فروخت کی قیمت ریفرنس ویلیو سے زیادہ ہے۔
