انسداد دہشتگردی راولپنڈی نے ڈی چوک احتجاج کیس میں علیمہ خان کے ناقابل ضمانت وارنٹ گرفتاری جاری کر دیے ہیں۔
عدالت نے 26 نومبر احتجاج کے حوالے سے تھانہ صاق آباد کے کیس میں ان کے وارنٹ گرفتاری جاری کئے، اے ٹی سی راولپنڈی نے گرفتار کر کے انہیں کل عدالت پیش کرنے کا حکم دیا ہے۔
گھیراؤ جلاؤ کیس کی سماعت جج امجد علی شاہ نے کی، انسداد دہشت گردی عدالت نے علیمہ خان ( aleema khan ) کی حاضری سے استثنیٰ کی درخواست مسترد کرتے ہوئے ان کے ناقابل ضمانت وارنٹ جاری کیے۔
مقدمے میں علیمہ خان سمیت دیگر شریک ملزمان پر فردِ جرم عائد کیے جانے کی کارروائی آج مکمل نہ ہو سکی۔ علیمہ خان کے وکیل محمد فیصل ملک نے ان کی حاضری سے استثنیٰ کی درخواست دائر کی تھی، بعد ازاں عدالت نے سماعت کل تک ملتوی کر دی۔
