اورکزئی میں آپریشن کے دوران 19 خارجی ہلاک کر دیئے ، جھڑپ میں لیفٹیننٹ کرنل سمیت 11 جوان بھی شہید ہو گئے۔
آئی ایس پی آر کے مطابق سکیورٹی فورسز نے اورکرزئی میں خفیہ اطلاع پر کارروائی کی ۔ جس کے نتیجے میں 11 بھارتی حمایت یافتہ دہشتگرد مارے گئے جبکہ لیفٹیننٹ کرنل جنید عارف سمیت 11 جوان شہید ہو گئے۔
آئی ایس پی آر کے مطابق 33 سالہ سیکنڈ ان کمانڈ میجر طیب راحت بھی بہادری سے لڑتے ہوئے شہید ہوئے ، ہلاک بھارتی حمایت یافتہ دہشتگردوں سے اسلحہ اور گولہ بارود برآمد کر لیا گیا۔
ترجمان پاک فوج کی جانب سے بیان میں کہا گیا ہے کہ پاکستان کی سکیورٹی فورسز دہشتگردی کے مکمل خاتمے کے لیے پرعزم ہیں، شہداء کی قربانیاں ملک میں امن و استحکام کی ضمانت ہیں۔
