کاشتکاروں سے گندم کی فصل 3500 روپے فی من خریدنے کیلئے حکومت پنجاب اور پرائیویٹ سیکٹر میں معاہدہ ہو گیا۔
وزیراعلیٰ پنجاب مریم نواز شریف کی صدارت میں گندم سے متعلق اہم اجلاس منعقد ہوا جس میں گندم کی کاشت کے بارے میں محکمہ زراعت کی جانب سے تفصیلی بریفنگ دی گئی۔
اجلاس میں محکمہ زراعت نے کہا کہ آئندہ سال گندم کی خریداری کا جامع پلان تیار کر لیا ہے، پنجاب میں گندم کی کمی نہیں، وافر ذخائر موجود ہیں۔
اجلاس میں وزیراعلیٰ پنجاب مریم نوازکا کہنا تھا کہ کاشتکار ہمارے بھائی ہیں، ساتھ نہیں چھوڑیں گے، پاکستان کی تاریخ میں پہلی بار گندم کے کاشتکاروں کو ایک ہزار مفت ٹریکٹر دیے گئے۔
