پاکستان سے ٹیسٹ سیریز سے قبل جنوبی افریقہ کے کپتانی ایڈن مارکرم نے کہا ہے کہ ہم پاکستان کے خلاف ٹیسٹ سیریز کے لیے تیار ہیں۔
ایڈن مارکرم نے کہا کہ پاکستان ٹیم کو اپنے ہوم گراؤ نڈز کا فائدہ حاصل ہو گا، پاکستان میں پچز زیادہ تر اسپنرز کے لیے فائدہ مند ہوتی ہیں۔
ان کا کہنا تھا کہ اسپن وکٹیں دونوں ٹیموں کے لیے چیلنج ہوں گی۔ دوسری جانب پی سی بی نے جنوبی افریقہ کے خلاف آئندہ ہوم ٹیسٹ سیریز کے لیے قومی اسکواڈ میں تبدیلی کی ہے۔
عامر جمال اور فیصل اکرم کو اسکواڈ سے ریلیز کر دیا گیا ہے، اس طرح ٹیسٹ اسکواڈ کو 18 سے کم کر کے 16 کھلاڑیوں پر محدود کر دیا گیا ہے،شان مسعود کو ٹیسٹ ٹیم کا کپتان برقرار رکھا گیا ہے۔
واضح رہے کہ 30 ستمبر کو سلیکشن کمیٹی کی جانب سے اعلان کردہ ابتدائی اسکواڈ میں عامر جمال کی واپسی ہوئی تھی جبکہ نوجوان اسپنر فیصل اکرم، وکٹ کیپر روحیل نذیر اور اسپن آل راؤنڈر آصف آفریدی کو پہلی بار شامل کیا گیا تھا۔
