پی سی بی نے قومی کرکٹرز کے غیر ملکی لیگز کیلئے این او سی معطل کردیے ہیں۔
ایشیا کپ میں شکست کے بعد پاکستان کرکٹ بورڈ نے قومی کرکٹرز کے غیر ملکی لیگز کے لیے جاری کیے گئے این او سی معطل کردیے ہیں۔
اس حوالے سے پی سی بی کے چیف آپریٹنگ آفیسر سمیر احمد کی جانب سے باضابطہ نوٹیفکیشن بھی جاری کردیا گیا ہے۔ سمیر احمد کی ہدایات پر قومی کرکٹرز کے این او سی ہولڈ کر دیے گئے ہیں۔
پاکستان کرکٹ بورڈ کی جانب سے ان کھلاڑیوں کو آسٹریلیا کی بگ بیش لیگ میں شرکت کے لیے این او سی جاری کیے گئے تھے۔ اس فیصلے کے تحت بڑے کھلاڑی بھی متاثر ہوں گے۔
ذرائع کے مطابق بابر اعظم، شاہین آفریدی، محمد رضوان، فہیم اشرف، خوشدل شاہ اور حسان خان کو بھی بگ بیش کیلئے این او سی جاری کیے گئے تھے۔
