حکومت پنجاب نے مزدوروں کی کم از کم اُجرت چالیس ہزار روپے ماہانہ مقرر کرنے کا نوٹیفکیشن جاری کر دیا ہے۔
صوبائی حکومت کی جانب سے جاری کئے گئے نوٹیفکیشن کے مطابق مزدوروں کو 26 دن کام کرنے کی کم از کم اجرت 40 ہزار روپے دی جائے گی۔
وزیر لیبر و افرادی قوت پنجاب ملک فیصل ایوب کھوکھر کی جانب سے جاری کئے گئے اعلامیہ میں کہا گیا کہ آٹھ گھنٹے کام کرنے پر کم از کم 1538.46 روپے اجرت دینا ہو گی۔
صوبائی وزیر نے کہا کہ حکومت پنجاب مزدوروں کی فلاح و بہبودکے لیے کام کر رہی ہے۔ ان کا کہنا تھا کہ محکمہ لیبر ویلفیئر کم ازکم اجرت کے حکم نامے پر عمل درآمد کرائے۔
انہوں نے سختی سے ہدایت جاری کرتے ہوئے کم ازکم اجرت پر عمل درآمد نہ کرنے والوں کے خلاف کریک ڈاؤن کرنے کا حکم دیا۔
