خیبرپختونخوا میں سرکاری ملازمین کیلئے احساس ای پنشن سسٹم کا اجراء کر دیا گیا۔
خیبرپختونخوا میں ای پنشن سسٹم یکم جنوری 2026 سے نافذ العمل ہو گا، وزیراعلیٰ خیبرپختونخوا علی امین گنڈا پور نے ای پنشن سسٹم کی منظوری دے دی۔
وزیر اعلی سیکرٹریٹ نے ای پنشن سسٹم کے اجرا کے لیے کانسپٹ پیپر تیار کر لیا ہے، جسے عملی شکل دینے کے لیے محکمہ خزانہ کو احکامات جاری کردیے گئے ہیں۔
صوبائی حکومت کے انقلابی قدم سے جنوری سے نئے پنشنرز کو پنشن کی ادائیگی ای پنشن سسٹم کے تحت کی جائے گی، پیپر بیسڈ پنشن نظام کو مکمل پیپر لیس ای پنشن نظام میں تبدیل کر دیا جائے گا۔
اس مقصد کے لیے احساس پنشن ڈیش بورڈ کا اجرا کیا جائے گا، یہ ڈیش بورڈ ویب بیسڈ پلیٹ فارم ہو گا جو مکمل طور پر پیپر لیس ورک فلو پر مشتمل ہو گا، ای پنشن سسٹم کے تحت ملازمین ریٹائرمنٹ سے 6 ماہ قبل پورٹل پر ایک سادہ ڈیجیٹل فارم پر کر کے پنشن کیس داخل کرا سکیں گے۔
