پاکستان اسٹاک ایکسچینج میں مسلسل تیزی کے باعث انڈیکس ملکی تاریخ کی بلند ترین سطح پر پہنچ گیا ، تبادلہ مارکیٹ میں ڈالر کی قیمت میں بھی کمی ریکارڈ کی گئی۔
کاروباری ہفتے کے آخری روز اسٹاک ایکسچینج میں زبردست تیزی دیکھی گئی ، کاروبار کے آغاز پر 100 انڈیکس میں 1073 پوائنٹس کا اضافہ ریکارڈ کیا گیا جس سے انڈیکس ایک لاکھ 53 ہزار 739 پوائنٹس پر ٹریڈ کرتے دیکھا گیا۔
گزشتہ روز بھی ہنڈریڈ انڈیکس نے ایک لاکھ ، 53 ہزار کی حد عبور کر لی تھی تاہم بعد میں انڈیکس منفی زون میں بند ہوا تھا۔
دوسری جانب انٹر بینک میں ڈالر کی قیمت میں کمی کا سلسلہ جاری ہے ، ایکسچینج کمپنیزایسوسی ایشن کے مطابق انٹر بینک میں 10 پیسے سستا ہونے کے بعد ڈالر کی قیمت 281 روپے 57 پیسے پر آ گئی ہے۔
