بین الاقوامی مارکیٹ میں خام تیل کی قیمتوں میں اضافہ ہو گیا۔
نجی ٹی وی کے مطابق یوکرین کی جانب سے روس کی توانائی تنصیبات پر بڑھتے حملوں کی وجہ سے روسی تیل کی سپلائی میں ممکنہ خلل کا خدشہ ہے۔
جس کے پیش نظر عالمی مارکیٹ میں برینٹ کروڈ فیوچرز 3 سینٹ (0.04 فیصد) بڑھ کر 67.76 ڈالر فی بیرل کی سطح پر آ گیا ہے، ویسٹ ٹیکساس انٹرمیڈیٹ فیوچرز 7 سینٹ (0.11 فیصد) اضافے سے 63.73 ڈالر فی بیرل کی سطح پر آ گیا۔
اس طرح عالمی منڈی میں خام تیل کی قیمتوں میں اتار چڑھاؤ کا سلسلہ جاری ہے، عالمی مارکیٹ میں قیمتوں کے اضافے اور کمی کا اثر پاکستان میں تیل کی قیمتوں پر بھی پڑتا ہے۔
