وزیراعلیٰ پنجاب مریم نواز نے کہا ہے کہ ہر سطح پر مذہبی رواداری اور باہمی احترام کا فروغ ہمارا عزم ہے۔
مریم نواز نے تشدد اور نفرت کا نشانہ بننے والے افراد کے عالمی دن پر اپنے پیغام میں کہا کہ تعصب کی بنا پر ظلم سہنے والے مظلوموں کے ساتھ ہمدردی ہے، اسلاموفوبیا دنیا بھر میں ایک کڑوی اور تلخ حقیقت ہے۔
انہوں نے کہا کہ فلسطین کی زمین خون شہدا سے سرخ ہے، کشمیر کی وادیاں آج بھی صدیوں پرانے دکھوں سے لہو لہان ہیں، کشمیر اور غزہ انسانیت کے ضمیر پر سوال ہیں۔
وزیراعلیٰ پنجاب نے کہا کہ دین اسلام محبت، امن اور رواداری کا درس دیتا ہے، ہر مظلوم کے ساتھ ہیں اور رہیں گے۔
