پاکستان کے بین الاقوامی شہرت یافتہ گلوکارعاطف اسلم کے والد محمد اسلم آج لاہور میں انتقال کرگئے۔
عاطف اسلم نہ صرف اپنی سریلی آوازاورفنی کامیابیوں کیلئے جانے جاتے ہیں بلکہ وہ ہمیشہ والدین سے مضبوط تعلق کا برملا اظہارکرتے رہے ہیں، وہ کہتے ہیں کامیابی کے پیچھے انکے والدین، خاص طورپروالد کی دعائیں اورتربیت کا بڑا ہاتھ ہے۔
والد کی وفات کی خبرسامنے آتے ہی مداحوں، شوبزشخصیات اوردنیا بھرسے چاہنے والوں کی جانب سے تعزیتی پیغامات کا تانتا بندھ گیا، سوشل میڈیا پرگلوکاراوران کے اہلخانہ کیلئے دعاؤں اورہمدردی کا سلسلہ جاری ہے۔
ماضی میں ایک انٹرویومیں انہوں نے کہا تھا کہ میرے والد نے مجھے سکھایا کہ ثابت قدم رہنا، دوسروں سے حسن سلوک کرنا اورمشکلات میں بھی حوصلہ نہ ہارنا زندگی کا اصل سبق ہے۔
