روس کے مشرق بعید میں ایک مسافر طیارہ تقریباً 50 افراد سمیت اچانک لاپتہ ہو گیا۔
اے این-24 ماڈل طیارہ سائبیریا کی انگارا ایئرلائن کے زیرِ انتظام پرواز پر تھا، جو چین کے ایک شہر ٹِنڈا کی طرف جا رہا تھا جب ایئر ٹریفک کنٹرول سے طیارے کا رابطہ منقطع ہوکر ریڈار سے بھی غائب ہو گیا۔
علاقائی گورنر واسیلی اورلوف کے مطابق طیارے کی تلاش کے لیے ہنگامی بنیادوں پر کارروائی جاری ہے، انہوں نے کہا کہ طیارے میں پانچ بچوں بمیت 43 مسافر اور عملے کے چھ افراد بھی سوار تھے، طیارے کی تلاش کے لیے تمام ضروری وسائل اور امدادی ٹیمیں متحرک کر دی گئی ہیں۔
دوسری جانب ایمرجنسی وزارت کے حکام کا کہنا ہے کہ طیارے میں سوار افراد کی تعداد ممکنہ طور پر 40 کے قریب ہو سکتی ہے، تلاش کا دائرہ وسیع کر دیا گیا ہے۔
طیارے کی آخری لوکیشن کے آس پاس کے علاقوں میں تلاش جاری ہے، تاحال طیارے کی کوئی اطلاع یا ملبہ نہیں مل سکا ہے۔
