آج حج 2026 کے لئے لازمی رجسٹریشن کا آخری دن ہے۔
وزارت مذہبی امور کا کہنا ہے کہ اب تک دو لاکھ عازمین حج رجسٹریشن کرا چکے ہیں، گھر بیٹھے بغیر فیس کے آن لائن رجسٹریشن کرانے کی سہولت دی گئی۔
واضح رہے کہ رجسٹریشن کرانے والے ہی حج کے اہل تصور ہوں گے، رجسٹریشن کے بعد عازمین سرکاری یا نجی حج اسکیم منتخب کر سکیں گے۔
وزارت مذہبی امور کے مطابق اخراجات اور دیگر شرائط و ضوابط حج پالیسی کے مطابق الگ سے جاری کئے جائیں گے۔ رجسٹریشن سعودی حکومت کی ہدایت پر کی جا رہی ہے۔
رجسٹریشن مکمل ہونے کے بعد اعداد و شمار کے بارے میں سعودی حکومت کو آگاہ کیا جائے گا جس کے بعد سعودی حکومت حج کوٹہ مقرر کرے گی۔
