جنوبی وزیرستان لوئر کی تحصیل برمل میں ضلعی انتظامیہ نے آج ایک روزہ مکمل کرفیو نافذ کر دیا ہے۔
ڈپٹی کمشنر محمد ناصر خان نے کہا ہے کہ یہ فیصلہ سیکیورٹی خدشات اور ممکنہ خطرات کے پیش نظر کیا گیا ہے, کرفیو کے دوران راغزئی میں بازار صبح 6 سے شام 7 بجے تک مکمل طور پر بند رہیں گے.
ڈپٹی کمشنر کے مطابق ایمرجنسی سروسز اور اجازت یافتہ افراد کو کرفیو سے استثنیٰ حاصل ہوگا تاہم شہریوں کو ہدایت کی گئی ہے کہ سیکیورٹی فورسز کی گاڑی دیکھ کر اپنی گاڑی کم از کم 50 میٹر دور روکیں۔
ڈپٹی کمشنر نے واضح کیا ہے کہ خلاف ورزی کرنے پر دفعہ 188 تعزیراتِ پاکستان کے تحت سخت قانونی کارروائی کی جائے گی۔
