کراچی کی ملیر جیل سے فرار ہونے والے مزید 4 قیدیوں کو گرفتار کر لیا گیا۔
جیل حکام کے مطابق اب تک 157 قیدیوں کو پکڑا جا چکا ہے جبکہ 68 قیدی اب بھی مفرور ہیں جن کی تلاش کیلئئے ان کے گھروں پر چھاپے مارے جا رہے ہیں۔
جیل حکام کا کہنا ہے کہ ملیر جیل سے مجموعی طور پر 225 قیدی فرار ہوئے تھے، جن میں سے 157 کی دوبارہ گرفتاری عمل میں لائی گئی۔
یاد رہے کہ گزشتہ روز بھی پولیس حکام نے بتایا تھا کہ جیل سے فرار ہونے والے مزید 3 قیدیوں کو گرفتار کر لیا گیا ہے ، قیدیوں کی گرفتاری کے لیے خصوصی ٹیمیں تشکیل دی گئی ہیں۔
