راول ڈیم میں نہاتے ہوئے تین نوجوان ڈوب گئے جن میں سے دو جاں بحق جبکہ ایک کی حالت تشویشناک بتائی جا رہی ہے۔
پولیس ذرائع کے مطابق جاں بحق ہونے والوں کی شناخت شاہ زیب اور عبدالہادی کے نام سے ہوئی ہے، جبکہ تیسرے نوجوان عبدالاحد کو بھی ڈیم سے نکال لیا گیا ہے۔ ڈاکٹروں کا کہنا ہے کہ عبدالاحد کی حالت نہایت تشویشناک ہے۔
دونوں جاں بحق نوجوان پی ڈبلیو ڈی کے رہائشی بتائے جا رہے ہیں ، پولیس نے واقعے کی مزید تحقیقات شروع کر دی ہیں ، ادھر ضلعی انتظامیہ نے بتایا کہ دفعہ 144 کے تحت راول ڈیم میں نہانے پر پابندی عائد ہے۔
