مری میں وفاقی وزیر امیر مقام کے قافلے کی گاڑی کو حادثہ پیش آیا ہے جس کے نتیجے میں 5 افراد زخمی ہوگئے۔
پولیس حکام کے مطابق حادثہ پروٹوکول کی گاڑی کو پیش آیا ،وفاقی وزیر حادثے میں محفوظ رہے ،امیر مقام آزاد کشمیر کا دورہ مکمل کرکے اسلام آباد آرہے تھے۔
امیر مقام کا کہنا تھا کہ اللہ کا شکر ہے کوئی جانی نقصان نہیں ہوا،زخمی ہمارے ساتھی ہیں، ہر ممکن مدد فراہم کریں گے ۔
حادثے میں زخمی افراد کی جلد صحت یابی کیلئے دعا گو ہوں۔
