غزہ جنگ کو ختم کرنے کے لیے مصر کے دارالحکومت قاہرہ میں ہونے والے مذاکرات کسی نتیجے کے بغیر ختم ہو گئے۔
غیر ملکی میڈیا کے مطابق ان مذاکرات کا مقصد جنگ بندی کی بحالی اور اسرائیلی یرغمالیوں کی رہائی تھا، تاہم اس حوالے سے کوئی نمایاں پیشرفت نہیں ہو سکی۔
مصری حکومت نے نئی جنگ بندی کیلئے حماس سے ہتھیار ڈالنے کا مطالبہ کیا تاہم حماس نے اس تجویز کو مسترد کرتے ہوئے کہا کہ ہم صرف اس صورت میں جنگ بندی پر تیار ہیں جب اسرائیل مکمل طور پر جنگ بند کرے اور فوجی انخلا کرے ، ہتھیار ڈالنے پر کوئی بات نہیں ہو سکتی۔
ذرائع نے مزید بتایا کہ مصر کی تجویز میں 45 دن کی عارضی جنگ بندی شامل ہے، جس کے بدلے غزہ میں خوراک اور پناہ گاہوں کا سامان پہنچانے کی اجازت دی جائے گی۔
