مسلم لیگ ن کے سربراہ اور سابق وزیراعظم نواز شریف کی طویل عرصے بعد سیاسی میدان میں واپسی ہو گئی۔
سابق وزیراعظم نے عوامی رابطے کے لیے ملک گیر جلسے جلوسوں کا پروگرام بنا لیا جس کا آغاز پنجاب سے ہو گا۔
سابق وزیر اعظم بلوچستان کے مسائل حل کرنے کے لیے بھی کردار ادا کرنے کو تیار ہیں ، اس حوالے سے سابق وزیراعلیٰ بلوچستان ڈاکٹر عبدالمالک نے گزشتہ روز نواز شریف کے ساتھ لاہور میں ملاقات کی تھی۔
عبدالمالک نے بلوچستان کے مسائل کے حل کے لیے کردار ادا کرنے کی درخواست کی ، جس پر نواز شریف نے اپنا سیاسی اور جمہوری کردار ادا کرنے کی یقین دہانی کروائی۔
علاوہ ازیں سابق وزیراعظم سے وفاقی وزیر توانائی سردار اویس خان لغاری نے بھی ملاقات کی جس میں مختلف امور پر تبادلہ خیال کیا گیا۔
