دورہ نیوزی لینڈ کیلئے قومی ون ڈے سکواڈ کے 9 کھلاڑی آج سے ایل سی سی گرائونڈ میں ٹریننگ کریں گے۔
پاکستان کرکٹ بورڈ کے مطابق 9 کھلاڑیوں میں کپتان محمد رضوان، عبداللہ شفیق، بابراعظم، فہیم اشرف، امام الحق، وسیم جونئیر، نسیم شاہ، عاکف جاوید اور طیب طاہر شامل ہیں۔
پی سی بی نے بتایا ہے کہ تمام کھلاڑی 21 مارچ تک ٹریننگ کریں گے، قومی کرکٹ ٹیم کا ون ڈے سکواڈ 23 مارچ کی صبح براستہ دبئی نیوزی لینڈ روانہ ہو گا۔
پاکستان کرکٹ ٹیم اور نیوزی لینڈ کرکٹ ٹیم کے درمیان 3 ون ڈے میچز کی سیریز 29 مارچ سے 5 اپریل تک کھیلی جائے گی۔
