پاکستان تحریک انصاف میں تبدیلیوں کا عمل جاری ، سابق رکن قومی اسمبلی عالیہ حمزہ ملک کو پی ٹی آئی پنجاب کا چیف آرگنائزر مقرر کر دیا گیا۔
بانی پی ٹی آئی عمران خان کی ہدایت پر چیئرمین بیرسٹر گوہر نے عالیہ حمزہ ملک کی تقرری کا نوٹیفکیشن جاری کر دیا ہے۔
واضح رہے کہ چند دن قبل وزیر اعلیٰ خیبر پختونخوا علی امین گنڈاپور کو صوبائی صدارت کے عہدے سے ہٹا کر ان کی جگہ جنید اکبر کو خیبر پختونخوا کا صدر مقرر کیا گیا تھا۔
مبصرین کا کہنا ہے کہ پی ٹی آئی کی تشکیل نو کا یہ عمل جاری رہے گا اور اہم عہدوں پر مزید تبدیلیاں دیکھنے کو ملیں گی۔
