پارا چنار میں اشیاء خورو نوش کی قیمتیں آسمان سے باتیں کرنے لگیں، 20 کلو گھی 11 ہزار میں فروخت ہونے لگا۔
راستوں کی بندش کی وجہ سے اشیائے ضروریات زندگی خریدنے کیلئے شہریوں کی لمبی قطاریں لگ گئیں، عوام سے من مانے ریٹ وصول کئے جانے لگے۔
عوام کا کہنا ہے کہ چیزیں اپنی قیمت سے زیادہ داموں پر فروخت کی جا رہی ہیں، 20 کلو گھی 11 ہزار روپے میں، پچاس کلو چینی 10 ہزار روپے کے حساب سے فروخت ہو رہی ہے۔
ٹماٹر 600 روپے، پیاز 400 روپے، آلو 250 روپے، ہری مرچ 800 روپے کلو فروخت ہو رہی ہے، مالٹا 800 روپے فی درجن جبکہ لیموں 600 روپے فی کلو کے حساب سے فروخت ہورہاہے۔
پارا چنار میں عوام نے کہا ہے کہ قیمتیں انتہائی زیادہ ہونے کی وجہ سے سبزی اور دیگر ضرورت کی اشیاء خریدنے سے بھی قاصر ہیں۔
