راولپنڈی: فرش یا گاڑی دھونے پر بھی اب ہزاروں روپے کا جرمانہ ہو گا۔
واسا کی جانب سے نوٹیفکیشن جاری کیا گیا ہے جس کے مطابق فرش یا گاڑی دھونے کیلئے پانی کے ضیاع پر 20 ہزار روپے جرمانہ ہوگا۔
نوٹیفکیشن کے مطابق پہلی دفعہ گھریلو کنکشن پر 10ہزار اور کمرشل کنکشن پر 20ہزار روپے جرمانہ ہوگا،دوسری خلاف ورزی پر پانی کا کنکشن ہی منقطع کر دیا جائے گا۔
عدالتی حکم پر واسا راولپنڈی کے ڈپٹی منیجنگ ڈائریکٹر انجینئرنگ نے آرڈر جاری کر دیا ہے، عدالتی حکم میں پانی کے غلط استعمال کو روکنے اور تحفظ کے لیے جامع حکمت عملی ترتیب دینے کا کہا گیا ہے۔
