گلگت بلتستان کا 77 واں جشن آزادی آج قومی جوش و جذبے سے منایا جا رہا ہے،اس موقع پرعام تعطیل ہے۔
جشن آزادی کے موقع پرتقریبات کا انعقاد کیا جا رہا ہے، تقریب میں مہمان خصوصی گورنرجی بی سید مہدی شاہ ، وزیر اعلیٰ حاجی گلبرخان اور فورس کمانڈ نے پرچم کشائی کی، پولیس کے چاک وچوبند دستے نے سلامی دی۔
دوسری جانب آرمی ہیلی پیڈ میں بھی جشن آزادی کی خصوصی تقریب کا انعقاد کیا گیا جس میں اعلیٰ سول و عسکری حکام شریک ہوئے۔
یکم نومبر 1947ء کو گلگت بلتستان کو ڈوگرا راج سے آزادی ملی ، جی بی کی عوام کی جدوجہد کا مقصد پاکستان کے ساتھ الحاق تھا، گلگت اسکاؤٹس اور مقامی جانبازوں نے ڈوگرا راج کے خلاف بغاوت کرتے ہوئے مہاراجہ کے کنٹرول کا خاتمہ کر دیا۔
