سابق صدر عارف علوی نے کہا ہے کہ جنرل قمر باجوہ کے کورٹ مارشل سے متعلق بانی پی ٹی آئی عمران خان سے پوچھیں۔
اسلام آباد ہائی کورٹ میں گفتگو کے دوران صحافیوں نے سوال کیا کہ آپ سپریم کمانڈر تھے جنرل فیض پر بہت سے الزامات لگے جس پر عارف علوی نے کہا کہ بعد میں بہت کچھ ہوتا رہا، میرے نوٹس میں بہت کچھ تھا، جو اب ہو گا وہ اچھا ہو گا۔
انہوں نے کہا کہ ان شا ءاللہ عمران خان جلد باہر آئیں گے ، یہ 1500 کیسز چلا چکے ہیں اور مزید بھی کیس بنا دیں، آرٹیکل 6 چلانا چاہیں تو کوشش کر لیں، آرٹیکل 6 کیا ہے زندگی اور موت کی جنگ میں بھی یہاں ہوں۔
عارف علوی نے مزید کہا کہ میں ہمیشہ آڈیو لیک کے خلاف رہا ہوں، میری پرائیویٹ گفتگو سننے کا کسی کو حق نہیں۔
