سعودی اور امریکی وزرائے خارجہ کا ٹیلیفونک رابطہ ، غزہ ، یمن ، سوڈان کی صورتحال پر تبادلہ خیال

 سعودی وزیر خارجہ شہزادہ فیصل بن فرحان اور امریکی ہم منصب انٹونی بلنکن کے درمیان ٹیلیفونک رابطہ ہوا ہے۔

دونوں رہنماؤں نے غزہ، یمن اور سوڈان کی صورتحال پر تبادلہ خیال کیا ، سعودی میڈیا کے مطابق امریکی وزیر خارجہ کا مشرق وسطیٰ دورے کا مقصد غزہ میں جنگ بندی معاہدے کیلئے سفارتی دباؤ بڑھانا ہے۔

واضح رہے کہ امریکی وزیرخارجہ انٹونی بلنکن اتوار کو مشرق وسطیٰ کے دورے پر تل ابیب پہنچے ہیں ، امریکی وزیر خارجہ آج وزیراعظم نیتن یاہو سمیت سینئر اسرائیلی رہنماؤں سے ملاقات کریں گے اس کے بعد وہ تل ابیب سے مصر پہنچیں گے۔