مہنگائی اور بجلی کے زیادہ بلوں کیخلاف لیاقت باغ راولپنڈی میں جماعت اسلامی کا دھرنا چھٹے روز میں داخل ہو گیا ، حکومت سے مذاکرات کا دوسرا دور آج دوپہر 3 بجے ہو گا۔
دھرنے سے خطاب کرتے ہوئے امیر جماعت اسلامی حافظ نعیم الرحمان نے کہا کہ بجلی کا بل ادا کرنا اب 98 فیصد لوگوں کے لیے ناممکن ہو چکا ہے۔
انہوں نے کہا کہ عوام بجلی کا بل دیں یا بچوں کو اسکولوں میں پڑھائیں؟ لاہور میں دھرنے کا بھی جلد اعلان کیا جائے گا۔ تاجر برادری ہمارے ساتھ ہے،ان کے مشورے سے ملک گیر پہیہ جام ہڑتال کریں گے۔
