امیر جماعت اسلامی حافظ نعیم الرحمان نے مہنگائی اور آئی پی پیز کے معاہدوں کے خلاف ملک بھر میں دھرنے شروع کرنے کا اعلان کر دیا۔
راولپنڈی میں دھرنا مظاہرین سے خطاب کرتے ہوئے حافظ نعیم الرحمان نے کہا کہ گورنر ہاؤس کراچی کے باہر دھرنا شروع ہو رہا ہے، پہلے مرحلے میں کراچی پھر لاہور اور ملتان میں دھرنا دیں گے۔
حافظ نعیم نے بجلی کی قیمت کم کرنے اور آئی پی پیز کا آڈٹ کرانے کا مطالبہ کرتے ہوئے کہا کہ حکومت کو 2 روز کا وقت دے رہے ہیں، مطالبات منوا کر ہی جائیں گے، 3 اگست کو فلسطین اور 5 اگست کو یوم یکجہتی کشمیر منائیں گے۔
انہوں نے مزید کہا کہ حکومت کیساتھ کل مذاکرات کا دوسرا دور نہ ہو سکا، ہم نے اپنے 10 مطالبات حکومتی کمیٹی کے سامنے رکھے ہیں۔
