بھارت کے سپر اسٹار بیٹر ویرات کوہلی اور ان کی اہلیہ انوشکا شرما نے بھارت چھوڑ کر لندن منتقل ہونے کا فیصلہ کر لیا ہے۔
کوہلی اور انوشکا بھارت میں اپنی نجی زندگی پرسکون ماحول میں گزارنا چاہتے ہیں جہاں ہنگامہ اور شور شرابے نہ ہو اور دونوں آزادانہ گھوم پھر سکیں، ان کے بچے بیرون ملک تعلیم حاصل کر سکیں۔
بھارتی اسٹار اور ان کی اہلیہ کا ہدف ایسا شہر ہے جہاں عام لوگ انہیں پہچان نہ سکیں ، ٹی ٹوئنٹی فائنل کے ہیرو نے جمعرات کو ممبئی میں وکٹری پریڈ میں انوشکا اور دونوں بچوں وامیکا(بیٹی)اور اکائے(بیٹا) کے ساتھ شرکت کی ۔
بھارتی میڈیا کے مطابق جب سے انوشکا شرما اور ویرات کوہلی دوسرے بچے آکائے کوہلی کے والدین بنے ہیں، اس کے بعد سے یہ جوڑا لندن شفٹ ہونے کا سوچ رہا ہے۔
ان کے قریبی حلقے دعویٰ کر رہے ہیں کہ اب یہ خاندان لندن میں مستقل طور پر آباد ہو سکتا ہے جہاں وہ ایک عالیشان گھر خریدنے کی منصوبہ بندی کر رہے ہیں، آکائے کی پیدائش سے پہلے کوہلی اور انوشکا شرما نے لندن میں کافی وقت گزارا اور انہوں نے اسے وہیں جنم دینے کا فیصلہ کیا۔
