اسرائیلی جیل سے الشفا اسپتال کے ڈائریکٹر محمد ابوسلمیہ سمیت غزہ کے 54 شہریوں کو رہا کر دیا گیا۔
الشفا اسپتال کے ڈائریکٹر محمد ابو سلمیہ نے جیل میں گزرے دنوں کے حوالے سے کہا کہ اسرائیل کی قید میں فلسطینیوں پر دن رات بہیمانہ تشدد ہوتا ہے، میرے سر پر ضربیں لگائی جاتی تھیں۔
ان کا کہنا تھا کہ اسرائیلی جیلوں میں قید ہزاروں فلسطینیوں کو ذہنی اور جسمانی تشدد کا سامنا ہے، پوچھ گچھ کے لیے لے جانے والے بیشتر فلسطینیوں کو مار دیا جاتا ہے۔
انہوں نے کہا کہ اسرائیلی جیلوں میں قیدیوں کو بنیادی سہولتیں حاصل نہیں۔ اسرائیلی ڈاکٹر اور نرسیں بھی عالمی قوانین کی خلاف ورزی کرتے ہوئے قیدیوں پر تشدد کرتے ہیں۔
ابو سلیمہ نے کہا کہ انسانی حقوق تنظیمیں اور ادارے فوری اسرائیلی جیلوں کا دورہ کریں اور قیدیوں کے مصائب ختم کروائیں۔
