لاہور ہائیکورٹ کے باہر مقدمات کے خلاف وکلا کا احتجاج شدید ہنگامہ آرائی میں تبدیل ہو گیا۔ وکلاء پر پولیس کی جانب سے لاٹھی چارج کیا گیا۔
وکلا کی جانب سے سول عدالتوں کی تقسیم اوردہشت گردی کے مقدمات کے خلاف شدید احتجاج کیا گیا، پولیس نے وکلاء کو ہائیکورٹ میں داخلے سے روکنے کی کوشش پر ہنگامہ آرائی شروع ہو گئی۔
وکلا کے احتجاج کے دوران پولیس کی بھاری نفری پہنچ گئی، پولیس نے وکلا پر بدترین لاٹھی چارج کیا اور انہیں منتشر کرنے کے لئے آنسو گیس کی شیلنگ کی۔
پولیس کی جانب سے وکلاء کو منتشر کرنے کے لئے واٹر کینن کا استعمال بھی کیا گیا، پولیس نے جی پی او چوک کا کنٹرول سنبھال کر مظاہرین کو وہاں سے منتشر کر دیا۔
پولیس کی جانب سے وکلاء کی گرفتاریاں جاری ہیں اور ہائیکورٹ کے دروازے بند کر دیے گئے ہیں۔ پولیس نے بیرئیر لگا کر لاہور ہائیکورٹ کا مین گیٹ بھی بند کر دیا ہے۔
واضح رہے کہ وکلا سول عدالتوں کی تقسیم اوردہشتگری کے مقدمات کے خلاف حالیہ چند روز سے احتجاج کررہے ہیں۔
