لاہور، پاکستان مسلم لیگ (ن) نے سینیٹ کے ضمنی انتخاب میں سابق وفاقی وزیرعابد شیرعلی کو ٹکٹ دینے کا فیصلہ کر لیا ہے۔
پارٹی ذرائع کے مطابق یہ فیصلہ ن لیگ کے قائد میاں نوازشریف نے مشاورت کے بعد منظورکیا، واضح رہے کہ سینیٹ کی یہ نشست سینئررہنما اورمعروف کالم نگارعرفان صدیقی کے انتقال کے باعث خالی ہوئی تھی، جس کے بعد ن لیگ نے فوری طورپرموزوں امیدوارکی تلاش شروع کی تھی۔
ذرائع کا کہنا ہے کہ عابد شیرعلی کو پارٹی قیادت کی جانب سے کاغذاتِ نامزدگی جمع کرانے کی ہدایات جاری کردی گئی ہیں وہ کل سینیٹ کے ضمنی انتخاب کیلئے اپنے کاغذات الیکشن کمیشن لاہور میں جمع کرائیں گے۔
پارٹی رہنماؤں کے مطابق عابد شیر علی کا پارلیمانی تجربہ، تنظیمی کرداراور پارٹی سے دیرینہ وابستگی انہیں اس نشست کے لئے مضبوط امیدواربناتی ہے۔
ن لیگ کے حلقوں میں اس فیصلے کو اہم سیاسی پیش رفت قرار دیا جا رہا ہے جبکہ پارٹی رہنماؤں کا کہنا ہے کہ عابد شیرعلی کی سینیٹ میں شمولیت ایوانِ بالا میں ن لیگ کی پارلیمانی پوزیشن کو مزید مستحکم کرے گی۔
