گوگل نے 2025 میں پاکستان میں سب سے زیادہ تلاش کیے جانے والے موضوعات کی فہرست جاری کر دی ہے، جس میں مجموعی طور پر سات مختلف کیٹیگریز شامل ہیں۔
ان کیٹیگریز میں کرکٹ، ایتھلیٹس، مقامی خبریں، ٹیکنالوجی، کھانوں کی تراکیب، ہاؤ ٹو سرچز اور ڈرامے شامل ہیں۔
گوگل کے مطابق یہ فہرست سال بھر کی کھربوں سرچز میں سے اُن موضوعات کو دیکھ کر تیار کی جاتی ہے جو تیزی سے مقبول ہوئے۔
کرکٹ
کرکٹ کے شعبے میں پاکستان بمقابلہ جنوبی افریقہ سب سے زیادہ سرچ کی جانے والی ٹاپ ٹرینڈنگ تلاش رہی۔ اس کے بعد بالترتیب پاکستان سپر لیگ، ایشیا کپ، پاکستان بمقابلہ بھارت، پاکستان بمقابلہ نیوزی لینڈ، بھارت بمقابلہ انگلینڈ، پاکستان بمقابلہ ویسٹ انڈیز، بھارت بمقابلہ آسٹریلیا، آئی سی سی چیمپئنز ٹرافی اور پاکستان بمقابلہ یو اے ای شامل رہے۔
ایتھلیٹس
ایتھلیٹس کی فہرست میں سب سے زیادہ سرچ کیے جانے والے کھلاڑی بھارتی کرکٹر ابھیشیک شرما رہے۔ دوسرے نمبر پر حسن نواز، تیسرے پر عرفان خان نیازی، چوتھے پر صاحبزادہ فرحان، پانچویں پر محمد عباس، چھٹے پر صائم ایوب، ساتویں پر یاسر خان، آٹھویں پر کاشت علی، نویں پر سیف حسن اور دسویں پر عبدالصمد رہے۔
مقامی خبریں
مقامی خبروں میں 2025 میں سب سے زیادہ دلچسپی پنجاب سوشل اکنامک رجسٹری میں لی گئی۔ اس کے بعد کراچی فلڈز، ایران سے متعلق خبریں، آسان کاروبار کارڈ، دریائے چناب میں سیلابی صورتحال، فیڈرل بورڈ میٹرک کے نتائج، کراچی بورڈ میٹرک کے نتائج، وزیراعظم لیپ ٹاپ اسکیم، پاکستان میں سونے کی قیمت اور نویں جماعت کے امتحانات کی تاریخ بالترتیب دوسرے سے دسویں نمبر تک تلاش کی گئیں۔
ٹیکنالوجی
ٹیکنالوجی کے شعبے میں سب سے زیادہ سرچ گوگل جیمنائی رہی۔ دوسرے نمبر پر تماشا، اس کے بعد ڈیپ سیک، مائی کو، On4t، گوگل اے آئی اسٹوڈیو، Claude، آئی فون 17، Grok اور نان فنجیبل ٹوکن شامل رہے۔
ریسیپیز
ریسیپیز کی کیٹیگری میں سب سے زیادہ تلاش سینڈوچ بنانے کی رہی۔ دوسرے نمبر پر فوڈ فیوژن ریسیپیز، تیسرے پر Quinoa ریسیپیز، چوتھے پر Dough ریسیپیز، پانچویں پر میٹھے پکوان، چھٹے پر مٹن ریسیپیز، ساتویں پر آسان ریسیپیز، آٹھویں پر Tofu ریسیپیز، نویں پر سوپ ریسیپیز اور دسویں پر بیف ریسیپیز رہیں۔
ہاؤ ٹو
ہاؤ ٹو کی فہرست میں سب سے زیادہ یہ جاننے کی کوشش کی گئی کہ کراچی کا ای چالان کیسے چیک کیا جائے۔ دوسرے نمبر پر انسٹا گرام پر میسجز کو اَن سینڈ کرنے کا طریقہ تلاش کیا گیا۔
تیسرے پر کار انشورنس، چوتھے پر کرپٹو مارکیٹ میں سرمایہ کاری، پانچویں پر اسٹاک مارکیٹ میں سرمایہ کاری، چھٹے پر کریڈٹ کارڈ کے لیے اپلائی کرنے کا طریقہ، ساتویں پر Ghibli فوٹو بنانے کا طریقہ، آٹھویں پر بہترین وکیل منتخب کرنے کا طریقہ، نویں پر فون سے پرنٹ نکالنے کا طریقہ اور دسویں پر بلاگ اپ لوڈ کرنے کا طریقہ شامل رہا۔
